17 வருடங்களாக சூரிய ஒளியைப் பார்க்காத பணிப்பெண் !
சவுதி அரேபியாவில் ரியாட் நகரில் சுமார் 17வருடமாக சிறைவக்கப்பட்ட இலங்கைப் பெண் மீட்க்கப்பட்டுள்ளார். சுமார் 39 வயதில் சவுதி சென்ற இப் பெண், தன் அங்கு செல்லும்போது தனக்கு 8 வயதில் மகனும் 6 வயதில் ஒரு மகளும் இருந்ததாக தனது நினைவுகளை தூசிதட்டிச் சொல்லியுள்ளார். ஆச்சரியமாக இருக்கிறதா. ஆம் அவருக்கு தற்போது 56 வயது ஆகிறது. தாய்மொழியான சிங்களத்தை மறந்த நிலையில், பிள்ளைகளை மற்றும் குடும்பத்தை மறந்த நிலையில் அவர் மீட்கப்பட்டுள்ளார். அவரை மீட்டபோது அவர் ஒரு இயந்திரத்தைப் போல வேலைசெய்துகொண்டு இருந்ததாக தூதர அதிகாரிகள் தெரிவித்துள்ளனர்.
காலையில் இதனைச் செய்யவேண்டும், மதியம் இந்த வேலை என அவர் பழக்கப்பட்டுவிட்டதாகவும், சுய நினைவைக் கூட இழந்து அவர் வேலைசெய்து வந்துள்ளதாகவும் அவர்கள் மேலும் தெரிவித்துள்ளனர். அவர் வேலைக்குச் சென்ற எஜமான் அவரை ஒரு கைதியாக் வீட்டில் அடைத்துவைத்தது மட்டுமல்லாது, வெளியுலகோடு எத்தொடர்பையும் பேண தடைவிதித்துள்ளதோடு, வெளியே செல்லவும் அனுமதிக்கவில்லை. இதனால் பூட்டிய வீட்டிற்குள் அவர் 17 வருடமாக வேலைமட்டும் செய்துகொண்டு இருந்திருக்கிறார். சில காலங்களில் அவர் தனது பிள்ளைகளை மறந்து உறவுகளை மறந்து தனது தாய்மொழியையும் மறந்துவிட்டார்.
அந்த அளவுக்கு அவருக்கு வேலைகள் திணிக்கப்பட்டுள்ளது மட்டுமல்லாது, அவருக்கு சம்பளம் கூட வழங்கப்படவில்லை என்பதே பெரும் கொடுமையான விடையமாகும். அனைத்தையும் மறந்த நிலையில் அவரை இலங்கை தூதர அதிகாரிகள் விடுவித்துள்ளனர். அவரோடு திரும்பத் திரும்பப் பேசி அவரது நினைவுகளை வரவழைத்ததால், அவர் தனது உறவுகள், மற்றும் குடும்பத்தார் குறித்த தகவல்களை மெல்ல மெல்ல வழங்கிவருவதோடு, சிங்களத்தையும் சற்று பேச ஆரம்பித்துள்ளார் என்றும் தெரிவிக்கப்படுகிறது. விடுவிக்கப்பட்டு இலங்கைத் தூதரகத்தில் அவர் இருந்தபோதும் தன்பாட்டில் அங்குள்ள வேலைகளை அவர் செய்ய ஆரம்பித்துள்ளார். இதை அவரே அறியாமல் செய்ய ஆரம்பித்தவேளை தான் இப் பெண்ணை அந்த எஜமான் எவ்வளவு கொடுமைசெய்திருக்கிறார் என்பது அவர்களுக்கு விளங்கியுள்ளதாக அதிகாரி ஒருவர் தெரிவித்துள்ளார்.
இலங்கையில் இருந்து பல பணிப்பெண்கள் வறுமைகாரணமாக அரபு நாடுகளுக்கு பணிப்பெண்களாகச் செல்கின்றனர். எண்ணைக் குதங்களை வைத்து இலகுவாக பணம் சம்பாதிக்கும், திமிர் பிடித்த எஜமானர்களிடன் இவர்கள் சிக்கித் தவிப்பது பெரும் துன்பகரமான நிகழ்வுகளாக உள்ளன. கஷ்டப்படாமல் பணம் சம்பாதிக்கும் இவர்கள் போன்ற எஜமானர்கள் மற்றவர்களைக் கஷ்டப்படுத்திப் பார்ப்பதில் மகிழ்ச்சியடைகின்றனர். இக் கொடுமைகள் உடனடியாக நிறுத்தப்படவேண்டும். பெண் விடுதலை பற்றிப் பேசிவரும் அமைப்புகள் இது குறித்து கவனம் செலுத்துவது நல்லது.
இலங்கையர்கள் பக்ரைய்ன் செல்ல தடை!
பிடிஎப்பாக சேமிப்பதற்கான வசதி 'Download As PDF
சவுதி அரேபியாவில் ரியாட் நகரில் சுமார் 17வருடமாக சிறைவக்கப்பட்ட இலங்கைப் பெண் மீட்க்கப்பட்டுள்ளார். சுமார் 39 வயதில் சவுதி சென்ற இப் பெண், தன் அங்கு செல்லும்போது தனக்கு 8 வயதில் மகனும் 6 வயதில் ஒரு மகளும் இருந்ததாக தனது நினைவுகளை தூசிதட்டிச் சொல்லியுள்ளார். ஆச்சரியமாக இருக்கிறதா. ஆம் அவருக்கு தற்போது 56 வயது ஆகிறது. தாய்மொழியான சிங்களத்தை மறந்த நிலையில், பிள்ளைகளை மற்றும் குடும்பத்தை மறந்த நிலையில் அவர் மீட்கப்பட்டுள்ளார். அவரை மீட்டபோது அவர் ஒரு இயந்திரத்தைப் போல வேலைசெய்துகொண்டு இருந்ததாக தூதர அதிகாரிகள் தெரிவித்துள்ளனர்.
காலையில் இதனைச் செய்யவேண்டும், மதியம் இந்த வேலை என அவர் பழக்கப்பட்டுவிட்டதாகவும், சுய நினைவைக் கூட இழந்து அவர் வேலைசெய்து வந்துள்ளதாகவும் அவர்கள் மேலும் தெரிவித்துள்ளனர். அவர் வேலைக்குச் சென்ற எஜமான் அவரை ஒரு கைதியாக் வீட்டில் அடைத்துவைத்தது மட்டுமல்லாது, வெளியுலகோடு எத்தொடர்பையும் பேண தடைவிதித்துள்ளதோடு, வெளியே செல்லவும் அனுமதிக்கவில்லை. இதனால் பூட்டிய வீட்டிற்குள் அவர் 17 வருடமாக வேலைமட்டும் செய்துகொண்டு இருந்திருக்கிறார். சில காலங்களில் அவர் தனது பிள்ளைகளை மறந்து உறவுகளை மறந்து தனது தாய்மொழியையும் மறந்துவிட்டார்.
அந்த அளவுக்கு அவருக்கு வேலைகள் திணிக்கப்பட்டுள்ளது மட்டுமல்லாது, அவருக்கு சம்பளம் கூட வழங்கப்படவில்லை என்பதே பெரும் கொடுமையான விடையமாகும். அனைத்தையும் மறந்த நிலையில் அவரை இலங்கை தூதர அதிகாரிகள் விடுவித்துள்ளனர். அவரோடு திரும்பத் திரும்பப் பேசி அவரது நினைவுகளை வரவழைத்ததால், அவர் தனது உறவுகள், மற்றும் குடும்பத்தார் குறித்த தகவல்களை மெல்ல மெல்ல வழங்கிவருவதோடு, சிங்களத்தையும் சற்று பேச ஆரம்பித்துள்ளார் என்றும் தெரிவிக்கப்படுகிறது. விடுவிக்கப்பட்டு இலங்கைத் தூதரகத்தில் அவர் இருந்தபோதும் தன்பாட்டில் அங்குள்ள வேலைகளை அவர் செய்ய ஆரம்பித்துள்ளார். இதை அவரே அறியாமல் செய்ய ஆரம்பித்தவேளை தான் இப் பெண்ணை அந்த எஜமான் எவ்வளவு கொடுமைசெய்திருக்கிறார் என்பது அவர்களுக்கு விளங்கியுள்ளதாக அதிகாரி ஒருவர் தெரிவித்துள்ளார்.
இலங்கையில் இருந்து பல பணிப்பெண்கள் வறுமைகாரணமாக அரபு நாடுகளுக்கு பணிப்பெண்களாகச் செல்கின்றனர். எண்ணைக் குதங்களை வைத்து இலகுவாக பணம் சம்பாதிக்கும், திமிர் பிடித்த எஜமானர்களிடன் இவர்கள் சிக்கித் தவிப்பது பெரும் துன்பகரமான நிகழ்வுகளாக உள்ளன. கஷ்டப்படாமல் பணம் சம்பாதிக்கும் இவர்கள் போன்ற எஜமானர்கள் மற்றவர்களைக் கஷ்டப்படுத்திப் பார்ப்பதில் மகிழ்ச்சியடைகின்றனர். இக் கொடுமைகள் உடனடியாக நிறுத்தப்படவேண்டும். பெண் விடுதலை பற்றிப் பேசிவரும் அமைப்புகள் இது குறித்து கவனம் செலுத்துவது நல்லது.
இலங்கையர்கள் பக்ரைய்ன் செல்ல தடை!
இலங்கைப் பிரஜைகள் பக்ரைய்ன் நாட்டுக்கு வேலை வாய்ப்பு தேடி செல்கின்றமைக்கு வெளிநாட்டு வேலை வாய்ப்பு பணியகம் தற்காலிகமாக தடை போட உள்ளது. பக்ரைய்ன் விமான நிலையத்தில் ஏதேனும் அசௌகரியங்களை இலங்கையர்கள் எதிர்கொள்ளக் கூடும் என்பதால் ஒரு வாரம்வரை இவ்வேற்பாடு நடைமுறைப்படுத்தப்பட உள்ளது என பணியகத்தின் தலைவர் கிங்ஸ்லி ரணவக்க தெரிவித்தார்.
பக்ரைய்ன் நாட்டு மக்கள் அரசுக்கு எதிரான போராட்டங்களை முடுக்கி விட்டு உள்ளனர். இதனால் அங்கு பாரிய வன்முறைகள் வெடித்து உள்ளன. பொதுமக்கள் ஐவர் கொல்லப்பட்டு இருக்கின்றனர். 200 பேர் வரை காயம் அடைந்து உள்ளனர்.பக்ரைய்னில் 10000 பேர் வரை இலங்கையர்கள் வேலை பார்க்கின்றனர். ஆனால் இவ்வன்முறைச் சம்பவங்களில் இலங்கையர் எவரும் பாதிக்கப்படவில்லை என்று பணியகத்தின் தலைவர் தெரிவித்தார்.
கட்டார் நாட்டு அரசர் மே மாதம் இலங்கை விஜயம்!
கட்டார் நாட்டு அரசர் ஷேய்க் ஹமாத் பின் கலிபா அல் தானி எதிர்வரும் மே மாதம் இலங்கைக்கு உத்தியோகபூர்வ விஜயம் ஒன்றை மேற்கொள்கின்றார். ஜனாதிபதி மஹிந்த ராஜபக்ஸவின் அழைப்பை ஏற்று இவர் வருகை தருகின்றார்.
இவர் இரு நாடுகளுக்கும் இடையிலான பொருளாதார மற்றும் இராஜதந்திர உறவுகள் பற்றி இங்கு பேச்சுக்களில் ஈடுபடுவார். கட்டாருக்கான இலங்கையின் பதில் தூதுவர் ஐயம்பிள்ளை தர்மகுலசிங்கம் இலங்கைத் தரப்பினரால் செய்து கொடுக்கப்பட வேண்டிய ஏற்பாடுகளை முன்னின்று மேற்கொள்கின்றார்.
இலங்கையில் ஆள் இல்லா விமானங்கள்!
ஆள் இல்லா விமானங்களை இலங்கை வான் பரப்பில் பறக்க விட இலங்கை விமானப் படையால் அனுமதி வழங்கி உள்ளது. பாதுகாப்புக் காரணங்களுக்காக கடந்த காலங்களில் ஆளில்லா விமானங்களை பறக்க விடுகின்றமைக்கு அனுமதி மறுக்கப்பட்டு இருந்தது. விமானப் படையின் 60 ஆவது ஆண்டு நிறைவை முன்னிட்டு தற்போது அனுமதி வழங்கப்பட்டு உள்ளது.
பொதுமக்கள் வேண்டுகோள் எனும் பெயரில் தூக்குத் தண்டனையை மீண்டும் அமுலுக்குக் கொண்டு வர அரசாங்கம் நடவடிக்கை?
தூக்குத் தண்டனையை மீண்டும் அமுல்படுத்துமாறு பொதுமக்கள் வேண்டுகோள் விடுப்பதாகக் கூறி அதனை மீண்டும் அமுலுக்குக் கொண்டு வருவது குறித்து அரசாங்கம் தீவிர கரிசனை கொண்டுள்ளது.தற்போதைக்கு சிறைகளில் இருக்கும் அரசியல் கைதிகள் மற்றும் எதிர்காலத்தில் அரசாங்கத்துக்கெதிரான செயற்பாடுகளில் ஈடுபடும் எதிர்க்கட்சி முக்கியஸ்தர்களை அதன் மூலம் மெளனிக்கச் செய்ய முடியும் என்று அராசங்கம் எதிர்பார்க்கின்றது.
அதன் ஆரம்ப முயற்சியாக சுதந்திர தினத்தை முன்னிட்டு நடைபெற்ற தேசத்திற்கு மகுடம் கண்காட்சியில் பங்குபற்றிய பொதுமக்கள் தூக்குத் தண்டனையை மீண்டும் அமுல்படுத்துமாறு கோரியதாக அரசாங்கம் தற்போது அறிவித்துள்ளது.
ஆனாலும் சர்வாதிகாரப் போக்குடன் செயற்படும் அரசாங்கத்தில் தூக்குத் தண்டனை மீண்டும் செயற்படுத்தப்படுவது விபரீத விளைவுகளை ஏற்படுத்தி விடும் என்பதாக சட்ட வல்லுனர்கள் எச்சரிக்கை விடுத்துள்ளனர்.
கணனி ஊடாக இடம்பெறும் குற்றச் செயல்களை தடுக்க விசேட நடவடிக்கை.
கணனி ஊடாக நாட்டில் இடம்பெற்று வரும் குற்றச் செயல்களை தடுப்பதற்கு விசேட நடவடிக்கை எடுக்கப்பட்டுள்ளதாகத் தெரிவிக்கப்படுகிறது.
கணனி குற்றச் செயல்களை தடுப்பதற்கு அரசாங்கம் வெளிநாட்டு நிறுவனங்களின் ஒத்துழைப்பெற்றுக் கொள்ளத் தீர்மானித்துள்ளது.இணையத்தைப் பயன்படுத்தி மேற்கொள்ளப்படும் நிதி மோசடிகள், கடனட்டை மோசடிகள் உள்ளிட்ட பல்வேறு குற்றச் செயல்கள் அதிகரித்துள்ளதாகத் தெரிவிக்கப்படுகிறது.
இவ்வாறான குற்றச் செயல்களை தடுத்து நிறுத்தும் நோக்கில் வெளிநாட்டு நிறுவனங்களின் ஒத்துழைப்பு பெற்றுக்கொள்ளப்படவுள்ளது.சைபர் குற்றச் செயல்களை கட்டுப்படுத்தும் உலகின் முதனிலை நிறுவனங்களில் ஒன்றான இம்பெக்ட் நிறுவனத்துடன் இலங்கை அரசாங்கம் ஏற்கனவே புரிந்துணர்வு உடன்படிக்கை ஒன்றில் கைச்சாத்திட்டுள்ளமை குறிப்பிடத்தக்கது.
இந்தியாவில் திரிபுராவில் பறவை காய்ச்சல்: 3 ஆயிரம் கோழி பண்ணைகள் அழிப்பு.
| வட கிழக்கு மாநிலமான திரிபுராவில் திடீரென பறவை காய்ச்சல் பரவி வருகிறது. | ||
| அகர்தலாவில் அரசு வாத்து பண்ணை உள்ளது. இங்கு கடந்த 3-ந் திகதி வாத்துக்களை பறவை காய்ச்சல் தாக்கியது இது மேலும் பல இடங்களுக்கு பரவி 3 ஆயிரம் கோழி மற்றும் வாத்துக்கள் இறந்தன. இதையடுத்து அந்த பகுதியில் உள்ள 3 ஆயிரம் கோழி பண்ணைகளில் உள்ள அனைத்து கோழிகளையும் அழிக்கும்படி உத்தரவிடப்பட்டது. சுகாதார ஊழியர்கள் அங்கு சென்று அனைத்து கோழிகளையும் கொன்றனர். மேலும் பண்ணைகள் அமைந்துள்ள இடத்தில் இருந்து 10 கிலோ மீட்டர் சுற்றளவுக்கு தடுப்பு மருந்துகளை தெளித்து தடுப்பு நடவடிக்கை மேற்கொண்டுள்ளனர். மாநிலத்தில் மற்ற பகுதிகளில் பறவை காய்ச்சல் பரவி விடாமல் தடுக்க உஷார் நடவடிக்கைகள் எடுக்கப்பட்டுள்ளன. 2008-ம் ஆண்டு திரிபுரா மாநிலத்தின் பக்கத்து நாடான வங்காளதேசத்தில் இருந்து பறவை காய்ச்சல் பரவியது. அப்போது லட்சக்கணக்கான கோழிகள் கொல்லப்பட்டன. புதுவையில் அமில மழை: மாணவர்களுக்கு தோல் அரிப்பு. 
|
